لوينك رايحة... من أجمل ما كتب لكل أم في العالم

 لوينك رايحة؟

دخلك لا تتركيني... قلبي احترق.... و ما اصعب الحرقات... حلفتك بالغوالي ....ولو...... كلمة اسمعيني....ما بطول عليك. هاي اخر الكلمات.... كتبتهن وما عرفت كملهن من كتير السنيني.... ولحظة وداعك مروا علي..الدقايق ساعات... حن القلم ع الورق , برقصة حزينه... ومن لوعتي ..... فاضت عيوني ونزفت الدمعات.. كنت الدفا لما البرد.جمد وشرايني .... والطفل يا امي.....ما بيعرف شو الفرق. بين تشرين...وشباط يا امي ......اخ........... شو بخبرك عن البرد بكوانين جرحني .... جرحني وكواني بحرقة الجمرات ومن كثر ما صرخت.... ارجعي يا تقبريني.... انكسر خاطري,ودقت...طعم اليتم والحسرات. . والله......يا امي...... ,والله... يا أمي... عن جد بموتك قهرتيني شوية حبر .... ع الورق وشو نفعهن الكلمات... يا بلسم مين غيرك بيعرف يداويني...... لما الحزن بيعزف.. بصوتي الآهات يا زقزقة شحرور, وتغريد الحساسيني يا زنبقة ع المي, يا اجمل الضحكات... قومي يا شجرة أرز , و لآخر مرة....... اغمريني صارلك دهر شامخة , وعالية الهامات. .. يا غصن الزيتون والتين..., يا طور السنيني ما كتير عليك تكون.... الجنة تحت اقدام الأمهات..... ما كتير عليك تكون.... الجنة تحت اقدام الأمهات..... كلمات: عادل ريحان القاء: Sana